Pasi shijoi disa ditë pushimesh në një resort fantastik në Maldive, tani është radha e një tjetër destinacioni! Trashëgimtarja e pasur e "Top Channel", ndodhet në Londër dhe duket se në këtë udhëtim e ka shoqëruar edhe familja e vogël e motrës së saj, Sara me Ledionin dhe Londonin.
Por, nuk qenkan ata të vetmit bashkëudhëtarë të rëndësishëm në këtë udhëtim të saj, pasi shikoni se kë ka takuar në Londër ajo! Përmes instagramit, Lori Hoxha na tregon se është takuar me miken e saj të ngushtë, këngëtaren kosovare Era Istrefi. Për të na konfirmuar edhe një herë miqësinë e tyre të çmuar nuk mjafton në fakt vetëm kjo foto, pasi edhe më parë ato janë shfaqur bashkë në Shtetet e Bashkuara të Amerikës, duke publikuar herë pas here foto të ndryshme me njëra-tjetrën.
Ka qenë Lori ajo që ka postuar edhe në snapchat një foto, ku duken dy vajzat simpatike bashkë, ndërsa Era përpiqet t'i vendosë një laps buzësh Lorit. Ndërsa, kjo e fundit shkruan në të: "Ajo e urren faktin që unë nuk vendos kurrë laps buzësh"!
Kritikat janë gjithmonë të mirëpritura kur bëhen nga një shoqe e mirë që të njeh pikat e dobëta dhe të forta apo jo?
