Kush është emigrantja shqiptare që u bë mbretëreshë e bukurisë në Manchester?

Nuk është rasti i parë që bukuroshet shqiptare fitojnë kurora Miss-esh në botë. Por sa herë ndodh kjo, lajmet në mediat dhe portalet shqiptare marrin dhenë. Një emër i ri i është shtuar listës së mbretëreshave të bukurisë dhe historia është pak a shumë e ngjashme edhe me të tjerat. Fatime Gashi, mbrëmjen e së dielës është kurorëzuar si Miss Manchester-i duke triumfuar mes dhjetëra vajzave të tjera.

Fati i ka buzëqeshur Fatimes mbrëmjen e së shtunës duke i dhuruar kurorën e Miss-it të vitit 2018. Studentja e Mjekësisë fitoi mbështetjen e jurisë, por edhe të publikut. Tiparet zeshkane dhe buzëqeshja e ëmbël ranë në sy menjëherë, por fitorja e këtij çmimi është vetëm një nisje e Gashit edhe në fushën e spektaklit.

Pasi mori çmimin, Fatimja falënderoi jurinë dhe të gjithë ata që e mbështetën, duke u dhënë të gjithëve një mesazh: “Sa herë që ndihmoni dikë, jeni hero” – tha ajo duke iu drejtuar të gjithë të pranishmëve.

Së bashku me familjen e saj, Fatime Gashi u largua nga Kosova në vitin 1999 pas luftës, për të nisur një jetë të re.  Duke rrëfyer historinë e  saj, mediat shkruajnë për rrugëtimin e Fatimes: “Nga emigrante në Mbretëreshë të Bukurisë” – thuhet në një pjesë të tyre duke komplimentuar bukuroshen shqiptare.